Its Time For Achange....
Tuesday, July 15, 2008
حصل الأسبوع ده تغيير كبير فى مجريات بعض الأحداث
بداية من ترقية أخويا فى شغله
مروراً بإفتتاح صيدلية أختى
وإنتهاءً بمعرفتى إنى نجحت
أينعم معرفتش تقديراتى لسه بس على الأقل إرتحت من هم المادة اللى كنت خايف منها
***********************
ولأنى مش مؤمن بالصدف فالترتيب ده كان له من وجهة نظرى دلالة واحدة
وهى إن الأمور ممكن تتصلح للأحسن فى الوقت اللى ممكن نفكر فيه إن ده مستحيل
وإن الإنسان لو تحكم فى أفكاره حيتحكم فى تأثير المواقف عليه
وده ممكن بشكل من الأشكال يحدد مصير الإنسان
وإن مستقبل الإنسان بيتشكل من خلال رؤيتة للحاضر والظروف
وبالتالى الإنسان ممكن يتحكم فى حياته ومستقبله
*********************
أكيد كنت محتاج للإحساس ده فى وقت زى ده
خصوصاً إنى تحديت نفسى إنهاردة وسحبت عينات دم فى المستشفى رغم قلقى وخوفى من الموضوع ده
أينعم المرضى كانوا بيبصولى بصات غريبة زى اللى عايزين يخنقونى بس علشان أتعلم لازم يكون فيه ضحاية
المهم نتعلم بسرعة علشان عدد الضحايا ميكنش كتير
********************************
ودلوقتى مستنى يوم 29 ده بفارغ الصبر لأنى ولأول مرة حشوف ابن أخويا وجهاً لوجه
أينعم حلمت بيه بس الحلم مش كفاية .. لازم يتحقق
لازم
وتقريباً جه الوقت اللى لازم أبص فيه للحياة نظرة من التفاؤل المختلط بالتحدى
وربنا يوفقنى
.jpg)
.jpg)
.jpg)
July 24, 2008 at 9:06 PM
أولا الف مبروك لتريقة أخوك ويارب دايما من تقدم لتقدم ومبروووووووك لاختك علي الصيدلية وربنا يقدرها وتكبرها ان شاء الله والف مبرووووووووووك علي نجاحك
ربنا ييسرلك الخير دايما:)
July 30, 2008 at 6:16 PM
مبرسى كتير لتهنئتك الرقيقة يا نور
ويارب أنتى كمان تكونى فى تقدم دائم وتتخلصى من كل الحيرة والتذبذب
وصدقينى كل واحد بإيده يحدد مصيرة وحياتة لو غير نظرته للحياة