WeLcOmE tO tHe LaNd Of ThE mYtH: May 2008

Mesh 3aref...

Wednesday, May 28, 2008

مش عارف إزاى ده ممكن يكون حصل

بس إمبارح حليت حلول زى الزفت لدرجة إنى لما حسبت لنفسى الدرجات لقيتنى مش حنجح

والأغرب إن الإمتحان مكنش معقد بس كان فيه خدع ومش متخيل إزاى الدكتور يجيب حالات مرضية عليها 60 درجة من أصل 100 برغم إنه مشرحش ولا حالة مرضية واحدة فى المحاضرات

وكله كوم والجزء بتاع

HyperCortisolism

كوم تانى

لأنى كنت مذاكرة كويس وفاهمة وأنا واثق إن ربنا عمى عينى عن الإجابة وأكيد ده لسبب أنا معرفوش

بس انا دلوقتى حطيت نفسى فى الحسبة الغلط وعمال أفكر إيه اللى ممكن يحصل لو طلعت بمادة فى آخر ترم ليا فى الكلية

بس دى أكيد حتكون نهاية حاجات كتير

حاجات لسه مبدأتش أصلاً

طول الوقت وانا واثق إن ربنا دايمن بيريد لى الأفضل وده بيبان لى فى حاجات كتير

بس المره ده مش عارف أفكر

ومش عارف ممكن اعمل إيه لو اتكتب فى شهادة التخرج إنى كنت دور تانى

أنا أكيد أكيد قصرت فى المذاكره وفى الحضور

بس برضه نتيجة الترم الأول سببت لى إكتثاب

والغريب إنى لحد اللحظة دى مش عارف أنسى وأكمل حياتى وأركز

ممكن يكون أتكتب عليا الفشل ؟

ولا ممكن يكون ده عقاب من ربنا على حاجه أنا عملتها ؟

ولا هى الكلية مش مكفيها اللى عملته فيا فى أربع سنين

ما أول سبع أيام فى الأسبوع

وتيجى يوم الجمعة بعد الصلاة

مروراً بيومين عندى فيهم من 8 صباحاً ل 8 مساءاً كل أسبوع

وكتور يحلف إن محدش حيجيب فى المادة أكتر من جيد

ودكتور تانى شايف إننا تافهين ومالناش لازمة والمفروض ننتحر

ومحاضرة توصل ل 5 ساعات

ومعاد إمتحان آخر السنة اللى يتغير قبل الإمتحان بيوم واحد

والمادة اللى معاد إمتحانها حسب هلال الشهر الهجرى ودى مش دعابة لأنها حصلت فعلاً عندنا

ده غير التعب والزهق والإرهاق على مدار أربع سنين

وكل دى مجرد أمثلة لحاجات حصلت لى

وبعد كل ده الكلية مش مكفيها وعايزه تنهيها معايا بمادة

دلوقتى ودلوقتى بس إفتكرت لما أخويا كان واقف ضدى ومش عايزنى أدخل الكلية

افتكرت لما كنت ضد إرادة كل اللى حواليا ورحت سحبت الملف وحولت لعلوم

إفتركت كلمة والدى لما قاللى إنت إخترتها يبقى تكمل فيها ومش من حقك حتى تشتكى

وخلال أربع سنين وأنا بتحمل نتيجة إختيارى ومش بشتكى

بس تقريباً مبقتش قادر والإنفجار على وشك الحدوث

ناقص كمان مادة واحدة ومش بذاكرها ومش عارف حعمل إيه

الشىء الوحيد اللى بقيت عارفه ومتأكد منه هو إنى خلاص

خلاص

Fed Up

by romantic rock | 0 comments

القناعة كرداء .. ما إن تتجرد منه حتى تشعر ببرد الطمع البشرى

إخفاء المشاعر مضر .. والبوح بها كارثة .. والحل ؟! آلا نشعر أبداً

إذا اختلفت وجهات نظرنا .. فمن الجميل أننا اشتركنا بأن لنا واحده

الحياة كلعبة .. إذا أردت أن تحترفها فعليك أن تتقن تعلم وتنفيذ قوانينها

لن تحصل على أكثر مما تتمنى . فعليك أن تتمنى الكثير

أجمل ما فى الماضى أنه ماضى . وأسوأ ما فيه هو إستمرار آثاره لفترة لا نعرفها

نـحن فقط من نـحدد النهاية .. فالنهاية قد تكون مجرد فرصة أخرى لبداية جديدة

مما يميز الحيوانات أنها تشترك جميعاً فى أنها حيوانات .. ففيما نشترك نـحن بنوا البشر ؟

كانت مشرقة كالشمس .. مضيئة كالقمر .. بيضاء كالثلج .. حتى ظننت أننى أحب جماد

قال فى إبتسامة يملؤها الحقد والشماتة : سوف تفشل .. فجاء ردى أبلغ من روائع الكلم واللغة .. نجحت

شامخ كالجبل .. متكبر كبرياء العظماء .. ولكنك الآن لا تتعدى كومة من الحجر الذى أخفى معالمه الزمن

لم أكن أعتقد أنه بإستطاعتى كتابة مثل هذا الكلام .. فقد تكون موهبة مدفونة .. وقد يكون تم إيقاظ المارد بداخلى .. وقد
تكون حلاوة روح .. أو حتى حلاوة طحينية

إنه من هذا النوع الذى أبغضه من الطلاب .. يشتكى طول العام من صعوبة المقررات .. يصرخ فى آخر العام لأنه لم يذاكر جيداً .. يبكى بكل مرارة بعد كل إختبار لسوء حله .. ثم تجده من أوائل الدفعة .. لا تعليق

أحياناً أتمنى لو كنت كمبيوتر .. فيكون بإمكانى بضغطة ذر عمل
لكل الأحزان Delete
للسعاده Install
للتفاؤل .. Reinstall
ولكن لو كنت كمبيوتر لما كان بإمكانى أن أشعر بمثل تلك الأحاسيس .. فالحمد لله لكونى إنسان

Written by:

Romantic Rock …

by romantic rock | 2 comments