7aga 3'areebah...  

Tuesday, June 24, 2008

للمرة السادسة بدخل المدونة بهدف إنى أعمل بوست جديد بس للأسف كل مره بتراجع لأنى مش عارف أتكلم عن إيه

بالظبط

تفكيرى مشوش جداً وده ممكن يكون عادى خصوصاً فى مرحلة زى اللى أنا بمر بيها حالياً

بس خلاص تعبت من التفكير ومن الحسابات

مش عارف ليه ربنا إختارنى أنا بالذات للمهمة دى

رغم إنى زى الزفت وكلى ذنوب ومع ذلك إختارنى أنا

وكنت زمان بشجع نفسى وأقول إنى حقدر بس الحمل تقيل أوى

وبيزيد أكتر لما ببص حواليا لكل الناس وألاقى كل واحد عايش حياته بمنتهى اللذاذة وكل شىء عادى

واسأل نفسى ليه أنا مش زيهم

الشىء اللى كنت مفكره نعمة بدأت أحس إنه لعنة إتكتب عليا أعيش بيها لغاية ما أموت

وكل يوم ألف سؤال وسؤال من غير جواب

رغم كده بحس دايمن إن ربنا بيريد لى الخير فى كل حاجه

وبحس إنه دايمن معايا

والتناقض ده مش غريب واهو ينضم لاخواته

بس دلوقتى الطريق بدأ يضلم من تانى

والنور بدأ يختفى

ووحش الخوف بدأ يظهر

والآمال بدأت تحتضر

وأنا واقف وسط كل ده ومش قادر اعمل حاجه

مش عارف اعمل حاجه

by romantic rock