WeLcOmE tO tHe LaNd Of ThE mYtH

Et7'ana2t

Sunday, March 30, 2008

إتخنقت ومبقتش عارف أعمل إيه

مش عارف أنا صح ولا غلط

اللى بعمله مع أصحابى صح ولا غلط

ممكن أكون بظلمهم بس هم من الأول مقدروش ومحاولوش يفهموا

وممكن أكون أنا مكنتش واضح بالشكل الكافى

مبقتش عارف خروجى من عزلتى اللى عشت فيها طول حياتى كان صح ولا غلط

وحنرجع تانى لنفس الدايرة

ونفس الحيرة

بدأت أصدق كلامهم عنى إنى فعلاً غريب

يمكن أكون من مكان تانى بعيد

طب جيت إزاى هنا

وليه أنا شبههم

ولو كنت أنا فعلاً إنسان

ليه بتعرض لده كله

نفس السؤال اللى حيرنى من 3 سنين

وف خلال 3 سنين من البحث لسه مش لاقى إجابة

يارب إهدينى ...

by romantic rock | 2 comments

Elnatiga Zaharet

Tuesday, March 11, 2008

ظهرت النتيجة

وياريتها ما ظهرت

مقدرش أقول إنها كانت مخيبة للآمال تماماً

بس برضه مش ده اللى إتمنيته واستنيته وإشتغلت عليه

تعبت كتير الترم ده .. بس يمكن تعبى مكنش كفاية

على العموم الحمد لله ألف مرة على كل شىء

وححاول أنسى اللى حصل وحفكر فى اللى جاى

ولسه ماتوجدش الشىء اللى يخلينى أيأس .. لأنى مش حيأس

صحيح أنا يمكن أكون خسرت جولة

بس الحرب لسه منتهتش

ومش حتنتهى طول ما أنا بتنفس

by romantic rock | 0 comments

Aday Won't Ever Be Forgetten

Tuesday, February 26, 2008

25 / 2 / 2008

يوم بجد عمرى ما حنساه

وده كان تانى يوم بعد رجوعى للحياة بعد ما اعتزلت كل حاجة لمدة 10 أيام

البيت .. الصحاب .. النت .. كل حاجه

المهم إنى إنهارده بصيت لها من غير ما أحس بمشاعر ناحيتها

بصيت لها كأنها شخص عادى يمكن لأول مرة أشوفه

معنى كده إنى نجحت

نجحت

أشكرك يارب إنك قوتنى

وخلينا ننتبه لحاجات كتير أهم

بجد ممكن أسميه يوم الأستقلال

by romantic rock | 0 comments

حقيقة الحب

Monday, December 24, 2007

حقيقة الحب

..
ترى من منا فهم حقيقة الحب ؟
وكم متزوج أدرك معنى الحب ؟
لو أمعنا النظر في هذه الصورة فسندرك معنى الحب الحقيقي

..

حقيقة الحب لاتختصر في وردة تقدمها لزوجتك أو في خاتم ماسي تلبسه إياها
ولكن الحب الحقيقي هو في مواصلة الحياة بمرها وحلوها مع من تحب للأبد

..

by romantic rock | 2 comments

Here I Am

Sunday, December 23, 2007

رجعت من تانى

بعد المدونة القديمة ما اختفت لأسباب لا يعلمها إلا الله

معاكم من تانى

أو بمعنى أصح مع نفسى بإعتبار إنى الوحيد اللى بشوف مدونتى

Welcome To The Land Of The Myth

Welome To The Land Of Romantic Rock

HERE I AM

by romantic rock | 0 comments

Design by Amanda @ Blogger Buster